अन्तिम समयमा आएको अदालती आदेशले राष्ट्रपति डोनाल्ड ट्रम्पलाई अमेरिकी अन्तर्राष्ट्रिय विकास एजेन्सी युएसएआईडी २,२०० कामदारहरूलाई तलबी बिदामा राख्नबाट अस्थायी रूपमा रोक लगाएका।

न्यायाधीश कार्ल निकोल्सले एजेन्सीलाई बचाउन खोज्ने दुई युनियनहरूले दायर गरेको अन्तिम मिनेटको मुद्दाको जवाफमा अन्तरिम आदेश जारी गर्दै ट्रम्पको योजना खारेज गरिदिएका छन्। उक्त अन्तरिम आदेश एक हप्ताको लागि, फेब्रुअरी १४ मध्यरातसम्म लागू रहनेछ।

ट्रम्पले विदेशी सहायता एजेन्सी, युएसएआईडी ६११ कामदारहरू बाहेक एजेन्सीका लगभग सबै १०,००० कर्मचारीहरूलाई बिदामा राख्ने योजना बनाएका थिए । लगभग ५०० कर्मचारीहरूलाई पहिले नै प्रशासनिक बिदामा राखिएको थियो र अन्य २,२०० लाइ भने शुक्रबारदेखि बिदामा राख्ने तयारि गरिएको थियो।

तर शुक्रबार अन्तिम समयमा भएको मुद्दामा सरकारले अमेरिकी संविधानको उल्लङ्घन गरिरहेको र कामदारहरूलाई हानि भइरहेको तर्क गर्दै ट्रम्पको योजना खारेज गरिएदिएको हो। बुधबार हुने अर्को सुनुवाइमा न्यायाधीशले उक्त अन्तरिम आदेशलाई दीर्घकालका लागि बढाएर ट्रम्पको योजना खारेज गर्न सक्ने अनुमान गरिएको छ।
अदालतको आदेशबाट बाँकी कर्मचारीहरूको जागिर के हुनेछ भन्ने कुरा स्पष्ट छैन। फैसला आउँदा, अमेरिकी अधिकारीहरूले वाशिंगटन डीसीमा रहेको उक्त संस्थाको मुख्यालयमा रहेको युएसएआईडी का चिन्हहरू हटाउँदै र छोप्दै आएका थिए।