अमेरिकी सेना इरानी आणविक र सैन्य केन्द्रहरू विरुद्धको आक्रमण अभियानमा इजरायली सेनासँग सामेल भएको छ।

“इरानी आणविक केन्द्र फोर्डोमा बमबारी गरिको छ ,” अमेरिकी राष्ट्रपति ट्रम्पले ट्रुथ सोशलमा लेखेका छन् , अन्य लक्ष्यहरूमा नातान्ज र एस्फहान पनि समावेश रहेको उनले बताएका छन्।

सोही सन्देशमा, अमेरिकी नेताले तेहरानलाई सो बमबारीको विरुद्ध अमेरिकासंग बदला नलिन र वार्तामा संलग्न हुन आग्रह गर्दै अब “शान्तिको समय” आएको उल्लेख गरेका छन्।

तेहरानले यसअघि वाशिंगटन र अन्य तेस्रो पक्षहरूलाई द्वन्द्वमा सामेल नहुन चेतावनी दिएको थियो। यमनका हुथीहरूका प्रवक्ताले पनि इसरायल इरान युद्धमा अमेरिका संलग्न भएमा लाल सागरमा आफ्ना युद्धपोतहरूलाई लक्षित गर्ने चेतावनी दिएको थियो।