पार्टीभित्रको आन्तरिक गुटबन्दीका कारण लामो समयदेखि महाधिवेशन गर्न नसकेको नेपाल तरुण दलमा ४०० सदस्य सहितको जम्बो तदर्थ समिति गठन गरिएको छ ।

२०७८ साल चैत ९ गते विद्वान गुरुङलाई तरुण दलको अध्यक्ष तोकेको कांग्रेसले बुधबार सातै प्रदेशबाट तदर्थ समिति सदस्यहरु मनोनयन गरेको हो ।नेपाली कांग्रेसका सभापति शेरबहादुर देउवाले तरूण दल केन्द्रीय तदर्थ कार्यसमितिको सदस्यमा ४०० जनालाई मनोनयन गरेका हुन् ।पार्टीभित्रको गुट-उपगुट मिलाउँदा तरुण दलको जम्बो तदर्थ समिति बनेको कांग्रेस निकट एक नेताले बताएका छन् ।