नेकपा एकीकृत समाजवादीका अध्यक्ष माधवकुमार नेपालले परिमार्जनबिना एमसीसी पारित नहुने बताउनुभएको छ ।

समाजवादी प्रेस सङ्गठन पर्साले आज वीरगन्जमा आयोजना गरेको पत्रकार सम्मेलनमा पूर्वप्रधानमन्त्रीसमेत रहनुभएका नेपालले भन्नुभयो, “सम्झौतामा अधिकांश विवादित दफाहरू रहेको वर्तमान अवस्थामा एमसीसीलाई आँखा चिम्लिएर समर्थन गर्न मिल्दैन । हाम्रो स्पष्ट दृष्टिकोण हो।”

एमसीसीमा सहमति नहुँदा सत्तारुढ गठबन्धन फुट्ने डर देखिए पनि सत्तारुढ गठबन्धनका प्रमुख सदस्य माधव नेपालले भन्नुभयो, ‘एमसीसीमा सहमति नभए गठबन्धन फुट्ने डर छ । प्रश्न उठेको छ, तर हामी यी सबै चुनौती सामना गर्न तयार छौं।’तर उहांले संशोधन नगरी एमसीसीलाई समर्थन नगर्ने स्पष्ट पार्नुभएको छ ।

नेपालले एमसीसीलाई लिएर जनता र राजनीतिक दलहरु विभाजित भएकाले एमसीसी सम्झौता स्थगित गर्नु उपयुक्त हुने पनि बताउनुभएको छ ।