काठमाडौं – पृथ्वी राजमार्ग अन्तर्गत पर्ने नौबिसे–मलेखु सडक खण्ड रातको समयमा १५ दिनसम्म बन्द हुने भएको छ।

नागढुंगा–मुग्लिङ सडक आयोजना (पूर्वी खण्ड) ले नौबिसे–मलेखु सडक खण्ड असार २६ गते बाट राति १० देखि बिहान ३ बजेसम्म बन्द हुने जनाएको छ ।
उक्त सडक खण्डमा पर्ने गणेश खोला, डाङडुङ खोला, खेस्टे खोला र पोखरा खोलाका पुलको संरचनामा काम गर्नको लागी सडक बन्द गर्न लागिएको आयोजनाले जनाएको छ ।

यस अवधिमा अत्यावश्यक सेवाका सवारीसाधन (एम्बुलेन्स, सुरक्षा निकाय लगायत) का सवारी साधन भने चल्न सक्नेछन् ।

आयोजनाले यो सडक खण्डमा लेन अनुशासन कायम गरी सवारीसाधन चलाउन अनुरोध गर्दै उक्त सडकको विकल्पको रुपमा गल्छी–बिदुर–छहरे–टोखा सडक प्रयोग गर्न सकिने समेत आग्रह गरेको छ।