जेठ २ , काठमाडौं – नेपाल आयल निगमले डिजेल र मट्टीतेलको मूल्य प्रति लिटर १० रुपैयाँको दरले घटाएको छ ।

मङ्गलबार भारतबाट पेट्रोलियम पदार्थको मूल्य घटेर आएपछि, निगमको सञ्चालक समितिको बैठकले मूल्य घटाउने निर्णय गरेको हो । भारतीय आयल कर्पोरेसन (आईओसी) ले पठाएको नयाँ मूल्यसूची अनुसार डिजेलको मूल्य प्रतिलिटर ८ रुपैयाँ र पेट्रोलको मूल्य ९ रुपैयाँले घटेर आएको थियो ।यसअघि १६५ रूपैयाँ प्रतिलिटरमा बिक्री हुँदै आएको डिजेल र मट्टीतेल घटेको मूल्य अनुसार १५५ रूपैयाँ कायम भएको छ ।

निगमले पेट्रोल, हवाई इन्धन र खाना पकाउने ग्याँसको मूल्य भने यथावत राखेको छ ।