वासिङ्टन – अमेरिकाले युक्रेनलाई ३,३५० वटा लामो दूरीका हवाई प्रक्षेपण हुने क्रुज मिसाइल (इआरएएम) बिक्री गर्ने स्वीकृति दिएको वाल स्ट्रिट जर्नलले दुई अमेरिकी अधिकारीलाई उद्धृत गर्दै जनाएको छ। करिब २८० माइलसम्मको दूरीमा प्रहार गर्न सक्ने यी हतियारहरू छ हप्ताभित्र युक्रेनमा पुग्ने बताइएको छ। तर युक्रेनले यी क्षेप्यास्त्र प्रयोग गर्न पेन्टागनको अनुमति लिनुपर्नेछ।

राष्ट्रपति डोनाल्ड ट्रम्पले अघिल्लो राष्ट्रपति जो बाइडेनले दिएको बिनासर्त सहयोगको आलोचना गर्दै आएका थिए। तर यसै साताको सुरुवातमा उनले युक्रेनले रुसभित्र लक्ष्य गर्न सक्ने क्षमता नभएसम्म युद्ध जित्ने कुनै सम्भावना छैन नभएको बताए लगत्तै युक्रेनलाई हतियार बिक्रि गर्ने प्रस्ताव सतहमा आएको हो । यधपी, अब युक्रेनलाई पठाइने कुनै पनि अमेरिकी हतियारको मूल्य युरोपका नाटो सदस्यहरूले भुक्तानी गर्नुपर्ने ट्रम्पले बताएका छन्।

यसबीच, फ्रान्स, जर्मनी लगायतका युरोपेली सहयोगीहरूले किभलाई दीर्घकालीन सुरक्षा प्रत्याभूतिका अंशस्वरूप अझ बढी हतियार आपूर्ति गर्न दबाब दिइरहेका छन्। रुसले भने पश्चिमी सैन्य सहयोगलाई शान्ति सम्झौतामा पुग्न मुख्य अवरोध भएको अडान दोहोर्याएको छ।