काठमाडौँ- देशभर डेंगी संक्रमितको संख्या बढ्दै गएको बेला डेंगी लागेर मृत्यु हुनेको संख्या भने १० पुगेको छ।

ईपिडिमियोलोजी तथा रोग नियन्त्रण महाशाखाले उपलब्ध गराएको तथ्यांक अनुसार मुगु र हुम्ला बाहेक डेंगीको प्रभाव ७५ जिल्लामा देखिएको छ भने संक्रमितको संख्या १४ हजार ३५७ पुगेको छ ।

डेंगीबाट सबैभन्दा बढी सुनसरी जिल्ला प्रभावित बनेको छ, जहाँ संक्रमितको संख्या ७ हजार ४९५ रहेको छ ।प्रादेशिक तथ्यांक अनुसार संक्रमितको संख्या सबैभन्दा धेरै कोशी प्रदेशमा, १० हजार ८१३रहेको छ भने वाग्मती प्रदेशमा २ हजार ९, गण्डकी प्रदेशमा ६०३ र सुदूरपश्चिम प्रदेशमा ४५१ जना, लुम्बिनी प्रदेशमा ३०७, मधेश प्रदेशमा १३५ र कर्णाली प्रदेशमा ३९ जना रहेका छन्।