केन्द्रिय समीकरण परिवर्तन पश्चात अल्पमतमा परेका लुम्बिनी प्रदेश र बागमती प्रदेशका मुख्यमन्त्रीले आज पदबाट राजिनामा दिएका छन्।

बागमतीका मुख्यमन्त्री शालिकराम जम्कट्टेल र लुम्बिनी प्रदेश जोखबहादुर महराले आज पदबाट राजीनामा दिएका हुन् ।

एमालेले समर्थन फिर्ता लिएपछि लुम्बिनी प्रदेशका मुख्यमन्त्री महराले आज विश्वासको मत लिने कार्यसूची रहेपनि विश्वासको मत नपुग्ने निश्चित भएपछि उनले प्रदेश सभालाई सम्बोधन गर्दै पदबाट राजीनामा दिएका हुन् । उनको राजीनामा पछि मुख्यमन्त्रीमा नेकपा एमालेले दाबी पेश गर्ने तयारी गरेको छ ।दुई दलबीच एमाले संसदीय दलका नेता लिला गिरीलाई मुख्यमन्त्रीको रुपमा अघि सार्ने सहमति भएको एमाले प्रमुख सचेतक तुलसीप्रसाद चौधरीले जानकारी दिएका छन्।

त्यसैगरी, बागमती प्रदेशमा मुख्यमन्त्री शालिकराम जम्कट्टेलले विश्वासकाे मत लिन प्रयाेजनका लागि प्रदेश सभा सचिवालयमा प्रस्ताव दर्ता गराएका थिए , तर माओवादी केन्द्र बागमती प्रदेश संसदीय दलकाे बैठकले सरकार बनाउन काँग्रेस र एमाले दुई दलकाे स्पष्ट बहुमत रहेकाले उनलाई राजीनामा दिन सुझाव दिएपछि उनले पनि राजिनामा बुझाएका हुन्। बागमती प्रदेशमा कांग्रेसबाट बहादुर सिं लामा मुख्यमन्त्री बन्दै छन् । सरकार गठनका लागि दाबी पेश गर्न कांग्रेस र एमालेका सांसदकाे हस्ताक्षर संकलन गरिएकाे छ ।