काठमाडौँ – प्रधानमन्त्री केपी शर्मा ओलीले विश्वासको मत माग्ने क्रममा संसदलाइ सम्बोधन गर्दै राष्ट्रिय संविधान असंशोधनीय विषय नभएको र सहमति जुटाएरै संविधान संशोधन गर्ने बताएका छन् ।

संविधान देश र जनताको हितका लागि साधन हो, साध्य होइन र आवश्यकताले संविधान, कानुनमा संशोधन र परिमार्जन हुन्छ, तर संविधान संसोधनको विषयलाई लिएर आफूले भने अनुसार नहुनासाथ पश्चगमनको पोशाक लगाइदिने अचम्मको प्रवृत्ति देखिएको समेत बताएका छन्।

ओलीले ०४६ सालपछिको पुस्ताले यति चरम निराशा पहिलो पटक देखेको भन्दै निराशा हटाउन, आशाको सञ्चार गर्न र देशलाई तीव्र आर्थिक दिशामा अगाडी लैजान अहिलेको सरकार बनेको बताएका छन्।

संसदमा सम्बोधन गर्दै प्रधानमन्त्री ओलीले , हाम्रो सरकारप्रति जनताले देखाएको विश्वास र भरोसाको प्रमाण सेयर बजार भएको र अब सेयर बजार मात्रै नभएर देशको पूरै बजार चलायमान हुने बताएका छन्। साथै, सरकारले वैदेशिक रोजगारीका कारण अर्थतन्त्रको अवयवहरुमा ल्याएको परिवर्तनबारे अध्ययन गर्ने समेत बताएका छन्।

त्यसैगरी उनले सहकारी पीडित जोसुकै भए पनि कारबाही हुने पनि बताएका छन् ।

साथै प्रधानमन्त्री ओलीले सरकारको ५ बुंदे प्राथमिकता र काँग्रेस एमालेबीच भएको ७ बुंदे सहमति समेत संसदमा सारजनिक गरेका छन्।