काठमाडौँ- देशभर आएको अविरल वर्षासँगैको प्रतिकूल अवस्थालाई मध्यनजर गर्दै सरकारले आइतबार र सोमबार सार्वजनिक बिदा घोषणा गरेको छ ।

विपद व्यवस्थापन महाशाखाले ३ दिनको लागि देशभर चल्ने लामो दुरी र काठमाडौँ भित्रिने र बाहिरिने सम्पूर्ण सवारी बन्द गर्न आह्वान गरेको र राजमार्गहरूमा खसेको पहिरो र मौसम पूर्वानुमान महाशाखाले जारी गरेको अलर्टलाई ध्यानमा राख्दै बिदा दिने निर्णय भएको हो ।

उच्च जोखिमयुक्त बस्तीमा सुरक्षा संयन्त्रहरू परिचालन गर्ने निर्णय गरिएको छ भने नेपाली सेनाको हेलिकप्टर पनि आकस्मिक उद्धारका लागि तयारी अवस्थामा राख्ने निर्णय भएको गृहमन्त्रालयले जनाएको छ ।