काठमाडौँ- प्रधानमन्त्रीको सरकारी निवास बालुवाटारमा सत्ता गठबन्धनका शिर्ष नेताबीच भएको छलफलले सदनको गतिरोध अन्त्य गर्न प्रमुख प्रतिपक्षी दलसहित संसदमा प्रतिनिधित्व गर्ने सबै दलहरुसँग संवाद गर्ने निर्णय गरेको छ ।

बैठकमा नेकपा माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल,कांग्रेस सभापति शेरबहादुर देउवा र नेकपा एकीकृत समाजवादीका अध्यक्ष माधवकुमार नेपाल,उपप्रधानमन्त्रीद्वय पूर्णबहादुर खड्का,नारायणकाजी श्रेष्ठ लगायतका नेताहरूको सहभागीता रहेको थियो।

सुन तस्करी प्रकरणमा सरकारले तस्करहरुको संरक्षण गरेको र अपराधीलाई उन्मुक्ति दिन अनुसन्धानको लागि उच्चस्तरिय छानबिन समिति बनाउन नखोजेको भन्दै प्रमुख प्रतिपक्ष दल नेकपा एमालेले गरेको अवरोधको कारण संघीय संसदको दुवै सदनको बैठक स्थगित गरिको छ।