श्रावण ४, काठमाडौँ- त्रिभुवन अन्तर्राष्ट्रिय विमानस्थलबाट बरामद भएको करिब १०० किलो सुन प्रकरणमा मुछिएका व्यवसायी दीपक मल्होत्राले स्पष्टीकरण दिँदै विमानस्थलमा पक्राउ परेको सुनमा आफ्नो संलग्नता नभएको बताएका छन्।

पत्रकार सम्मेलन गर्दै उनले सुन आयातमा आफ्नो र आफ्नो परिवार आफु साझेदार कम्पनी पनि संलग्न नरहेको बताएका छन्।

उनले सुन ल्याउने गिरोहलाई बचाउनका लागि र घटना डाइभर्ट गर्न नियोजित रुपमा आफ्नो नाम जोडिएको हुनसक्ने समेत बताएका छन्। उनले सुन आयात गर्ने व्यक्तिसँग आफ्नो कुनै चिनजान समेत नरहेको दावी गरेका छन्।

मल्होत्राले सुन तस्करी प्रकरणमा आफू दोषी ठहरिए कानुन बमोजिम सजाय भोग्न तयार रहेको पनि बताएका छन्। त्रिभुवन विमानस्थलबाट विमानस्थलमा पक्राउ परेको सुन प्रकरणमा आफ्नो नाम मुछिएपछि बिहीबार पत्रकार सम्मेलन गर्दै उनले सो कुरा बताएका हुन् ।सुन आयात गर्ने व्यक्तिसँग आफ्नो कुनै चिनजान नरहेको उनको दावी छ।