काठमाडौँ – ताप्लेजुङको पाथीभरा क्षेत्रमा केबलकार निर्माणविरुद्ध प्रदर्शन गर्दा पक्राउ परेका “नो केबलकार” अभियानका १७ जना प्रदर्शनकारी रिहा भएका छन् ।

माघ १२ गते प्रदर्शनको क्रममा प्रहरीले ताप्लेजुङबाट ३ जना , झापा दमकबाट ८ जना र धरानबाट ६ जना पक्राउ गरेर अभद्र व्यवहार सम्बन्धी कसुरमा मुद्दा चलाएको थियो ।थुनामा रहेकाहरूलाई जिल्ला प्रशासन कार्यालयको निर्णय अनुसार रिहा गरिएको कोशी प्रदेश प्रहरी कार्यालयले जनाएको छ।

जिल्ला प्रशासन कार्यालय ताप्लेजुङले प्रदीप मादेनलाई १० हजार र सिदिङ्वा गाउँपालिका–५ घर भएका लक्ष्मण लिम्बू र तेह्रथुम म्याङलुङका चन्द्रसागर लिम्बुलाई जनही ५ हजार धरौटीमा छाडिएको छ बहने झापाको दमकबाट पक्राउ परेका ८ जनालाई साधारण तारेखमा छोडिएको प्रहरीले जनाएको छ।

यसअघी, सरकार र आन्दोलनरत पक्षबीच ६ बुंदे सहमति भएपछी हालको लागि केबलकार निर्माण प्रक्रिया समेत स्थगित गरिएको छ।