पाथीभरा केबलकार निर्माण स्थगित

  • नेपाल राष्ट्रिय दैनिक
  • २३ माघ २०८१, बुधबार ०८:३३
pathibhara

काठमाडौं : ताप्लेजुङ जिल्लास्थित मुक्कुम्लुङ पाथीभरामा केबलकार निर्माण कार्य स्थगित गर्ने भएको छ। केबलकार निर्माणको विषयमा केही समयदेखि भइरहेको विवादको विषयमा सहमति भएपछि निर्माण कार्य रोक्ने भएको हो।

मंगलबार राति गृह मन्त्रालयको वार्ता टोली र केबलकार निर्माणको विरोध गरिरहेका टोलीको प्रतिनिधिहरुबीच वार्ता भएको थियो। उक्त वार्तामा ६ बुँदे सहमति भएको हो ।

सहमतिमा पाथीभरा केबलकारको स्टेसनमाथिको निर्माण कार्य स्थगन गर्ने र स्टेसनका सन्दर्भमा यही माघ २७ गते हुने वार्तामा विस्तृत छलफल गर्ने उल्लेख छ ।

सहमतिमा सरकारले घोषणा गरे बमोजिम आन्दोलनका क्रममा घाइते भएकाको निःशुल्क र प्रभावकारी रुपमा स्वास्थ्य उपचार गर्ने, माघ १२ गते भएको घटनाको विषयमा छानबिन गरी कानुनी कारबाही गर्ने, आन्दोलनका क्रममा थुनामा रहेका थुनुवा बन्दीहरुको विना शर्त तत्काल रिहाइको प्रक्रिया प्रारम्भ गर्ने तथा मुक्कुमलुङ संरक्षक पक्षबाट अनिश्चितकालीन यातायात बन्द स्थगन गर्ने विषय समावेश छन्।

पाथीभरा केबलकार आयोजना निर्माणमा रहेका असहमतिलगायतका सम्बन्धमा विस्तृत छलफल गर्न माघ २७ गते बिहान ११ बजेको समय तोकिएको छ।

Share :
adhyagaman bibhag immigration

धर्म प्रचारको आरोपमा धरानबाट १७ अमेरिकी र १ भारतीय नागरिक पक्राउ

काठमाडौँ — धर्म प्रचारको आरोपमा १७ जना अमेरिकी र १ जना भारतीय नागरिक पक्राउ परेका छन् । पर्यटक भिसामा आएर श्रमदानको आवरणमा धर्म प्रचार गरेको आरोपमा उनीहरू पक्राउ परेका हुन् । सुनसरीको धरान उपमहानगरपालिका-५, देउराली सौगातचोकस्थित प्रेरणा कल्याणकारी समाजको भवन बनाउने भन्दै श्रमदानमा आएका उनीहरूले धर्म प्रचार गरेपछि पक्राउ गरेको प्रहरीले जनाएको छ । थप अनुसन्धानका लागि जिल्ला प्रशासन कार्यालय[...]

  • नेपाल राष्ट्रिय दैनिक
  • २०७८-०६-०४ , ०९:४५