काठमाडौँ – कीर्तिपुरस्थित त्रिवि क्रिकेट मैदानमा भएको त्रिदेशीय टी–२० सिरिज अन्तर्गत नेदरल्यान्ड्ससँग भएको पहिलो खेलमा घरेलु टोली नेपाल २० रनले पराजित भएको छ ।

२० ओभरमा चार विकेट गुमाउँदै १५८ रनको लक्ष्य दिएको नेदरल्यान्ड्स विरुद्द मैदानमा उत्रिएको नेपाली टिमले २० ओभरमा सात विकेट गुमाउँदा मात्र १३७ रन बनाउन सफल भएको हो।

नेपालका लागि ओपनर सीता रानामगरले ४५ बलमा तीन चौकासहित सर्वाधिक २८ रन बनाइन् भने कविता जोशीले १७ बलमा एक चौका र दुई छक्कासहित २७ रनको योगदान गरिकी हुन्।त्यसतै पूजा महताेले २४ रन जोड्न सफल भईन भने पूजाले १४ बलमा समान दुई चौका र छक्का प्रहार गरेकी थिइन् ।ओपनर सम्झना खड्काले ११ बलमा एक चौकासहित ९ रन ,कप्तान इन्दु बर्माले १० बलमा सात रन ,कविता कुँवरले ८ र पूर्वकप्तान रुविना क्षेत्रीले जम्मा ११ रन बनाइन् ।