EN
काठमाडौँ- त्रिभुवन विश्वविद्यालय मैदान कीर्तिपुरमा जारी थाइल्यान्ड, नेपाल र नेदरल्यान्ड्स सम्मिलित महिला टी२० अन्तर्राष्ट्रिय शृंखलाको पहिलो खेलमा नेदरल्यान्ड्सविरुद्ध १५८ रनको लक्ष्य पक्षाउँदै नेपाली टिम मैदानमा उत्रिएको छ।
टस हारेर पहिले ब्याटिङ गरेको नेदरल्याण्ड्सले २० ओभरमा ४ विकेट गुमाएर १५७ रन जोड्न सफल भएको छ। नेदरल्यान्ड्सको लागि रोबिन रिज्कीले ४८ बलमा ८ चौकासहित ५९ रन , स्टिरी क्यालिसले ३५ बलमा चार चौकासहित २९ रन , आइरिस ज्विलिङले ३१ र हिथर सिजर्सले २३ रन बनाएका छन्। खेलमा नेपालका लागि कविता कुँवर, पूजा महतो, ईश्वरी विष्ट र सीता राना मगरले समान १-१ विकेट लिएका हुन्।
श्रृंखलामा सबै टोलीले एक अर्कासँग ३-३ खेल खेल्ने छन् । नेपालले दोस्रो खेल शनिबार थाइल्याण्डसँग खेल्ने छ । माघ २० मा नेदरल्याण्ड्स, माघ २२ मा थाइल्याण्ड, माघ २३ मा नेदरल्याण्ड्स र माघ २५ मा थाइल्याण्डसँग खेल्ने छ ।
खेलमा फाइनल नहुने भएकाले सबै खेल सकिँदासम्म धेरै खेल जितेर उच्च अंक प्राप्त गर्ने टिम श्रृंखलाको विजेता बन्ने छ ।
आफ्नो प्रतिक्रिया दिनुहोस्