काठमाडौँ – निर्वाचन आयोगले विभिन्न कारणले मतदाता नामावलीमा नाम दर्ता गराउन छुटेका नेपाली नागरिकलाई उपनिर्वाचनको मिति घोषणा हुनुअघि नै आफ्नो नाम दर्ता गराउन आग्रह गरेको छ ।

आयोगले, विभिन्न कारणले मतदाता नामावलीमा नाम दर्ता गराउन छुटेका योग्य नागरिकले उपनिर्वाचनको मिति घोषणा हुनुअघि सम्बन्धित स्थानीय तह, प्रदेश सभा निर्वाचन क्षेत्र र प्रतिनिधिसभा निर्वाचन क्षेत्र अन्तर्गत मतदाता नामावलीमा नाम दर्ता गराउन आग्रह गरेको छ।

निर्वाचन आयोगले हाल प्रतिनिधिसभामा एक, सुदूरपश्चिम प्रदेशसभामा एक, जिल्ला समन्वय समितिका दुई प्रमुख, एक नगरपालिकाका उपमेयर, एक गाउँपालिकाको अध्यक्ष, दुई गाउँपालिकाका उपाध्यक्ष र विभिन्न स्थानीय तहका १७ वडाध्यक्ष गरी २५ पद रिक्त रहेको उल्लेख गर्दै,यही वैशाख मसान्तभित्र उपनिर्वाचन गराउने तयारी सुरु गरेको छ।