झापा – मिटरब्याज पीडितहरुको संघर्ष समितिले सरकारलाई दबाब दिन आजदेखि “मिटर ब्याज विरुद्ध मेची महाकाली न्याय मार्च” सुरु गर्न लागेको छन् ।

मिटर ब्याज तथा ठगी विरुद्ध किसान मजदुर संघर्ष समितिले पूर्वी झापाको काँकडभिट्टास्थित मेची पुल र पश्चिममा महाकालीबाट एक साथ शान्तिपूर्ण पैदल यात्रा “न्याय मार्च” सुरु गर्न लागेका हुन्। सरकारले बनाएको मिटर ब्याज सम्बन्धी कानुन पीडित पक्षका लागि नभएर साहु महाजनको पक्षमा भएको भन्दै उक्त न्याय मार्च राज्य सत्ता र साहु महाजन विरुद्धको लडाइँ भएको संघर्ष समितिले बताएको छ। मंगलबार बिहान ७ बजे मेची र पश्चिममा महाकालीबाट एक साथ शुरु हुने न्याय मार्च चितवनको नारायणगढ पुगेर एक हुने र त्यसपछि राजधानी काठमाडौं प्रस्थान गर्ने बताइएको छ।

संघर्ष समितिले, मिटर ब्याजसँग सम्बन्धित सम्पूर्ण फर्जी लिखतहरू (तमसुक, दृष्टि बन्धक, रजिस्ट्रेसन र चेक) अवैध घोषणा गर्नुपर्ने र जुनसुकै तहमा भएको पीडितको सम्पत्तिको हक हस्तान्तरण बदर गरी पीडितहरूलाई क्षतिपूर्तिको व्यवस्था गर्नुपर्ने, विभिन्न तहका अदालतमा मिटर ब्याजी साहुले पीडितमाथि हालेका मुद्दाको दर्ता र सम्पूर्ण अदालती प्रक्रिया स्थगित गर्ने तथा फैसला भइसकेका मुद्दाहरू आयोगमा खिचाई पुनरावलोकन गरी फर्जी लिखत (चेक बाउन्स) समेतका आधारमा सजाय कटाइरहेका पीडितको रिहाइ गर्नुपर्ने , जरिवाना मिनाहा र बिगो खारेज गर्नुपर्ने, मिटर ब्याजसँग सम्बन्धित निवेदनको सरकारी तथ्यांक अपूर्ण भएकोले तत्काल नयाँ निवेदन दर्ता खुला गरी पीडितहरूको अभिलेखीकरण गर्दै सोका आधारमा साहु महाजनलाई पक्राउ गरी कारबाही गर्नुपर्ने लगायतका ६ बुंदे माग राख्दै उक्त न्याय मार्च सुरु गरेको संघर्ष समितिले बताएको छ।

यस्तो छ ६ बुँदे माग: