भैरहवा – भैरहवा विमानस्थलमा विगत दुई दिनदेखि अलपत्र यात्रुहरूलाई उद्धार गर्न नेपाल एयरलाइन्स निगमको ठूलो विमान पठाइने भएको छ । खराब मौसमका कारण आन्तरिक उडानहरू स्थगित भएपछि प्रधानमन्त्री सुशीला कार्कीको निर्देशनमा यो निर्णय गरिएको हो।

प्रधानमन्त्री कार्कीले मुख्य सचिव एकनारायण अर्याललाई नेपाल एयरलाइन्ससँग समन्वय गर्न र पहिले नै टिकट खरिद गरेका तर काठमाडौं यात्रा गर्न नसक्ने यात्रुहरूको लागि उद्धार उडानको व्यवस्था गर्न निर्देशन दिएका छन्।

निर्देशन अनुसार आज साँझ एउटा उद्धार उडान सञ्चालन हुनेछ र भोलि बिहान अर्को उडान हुने तालिका रहेको छ।