काठमाडौं -प्रधानमन्त्री पुष्पकमल दाहालसँग चिनियाँ कम्युनिष्ट पार्टीका अन्तर्राष्ट्रिय सम्पर्क विभागका उपमन्त्री सुन हाइयानले शिष्टाचार भेट गर्नुभएको छ ।

प्रधानमन्त्रीको सरकारी निवास बालुवाटारमा आज बिहान भएको भेटमा उनीहरुबीच द्विपक्षीय हित र चासोका विविध विषयमा छलफल भएको प्रधानमन्त्री दाहालका परराष्ट्र सल्लाहकार रुपक सापकोटाले जानकारी दिए ।

नेकपा (माओवादी केन्द्र)को निमन्त्रणामा चारदिने औपचारिक भ्रमणका लागि उपमन्त्री हाइयान शुक्रबार काठमाडौं आइपुगेकी हुन् ।माल्दिभ्स र बंगलादेश हुँदै नेपाल आइपुगेकी हाइयानले नेपालमा रहँदा विभिन्न राजनीतिक दलका नेताहरुसंग भेटघाट गर्ने कार्यक्रम रहेको छ ।