कोशीमा सत्तारूढ गठबन्धन विरुद्ध काँग्रेसका कोइराला पक्ष र एमालेको सहकार्यमा नयाँ सरकार गठन भएपछी प्रमुख विपक्षी दल एमालेले केन्द्र र अन्य प्रदेशमा पनि वर्तमान गठबन्धनको सरकार भत्काउने रणनीतिमा अघि बढेको देखिन्छ।

एमालेका ३९ र कांग्रेस संस्थापनइतरका ८ जना सांसदहरुको समर्थनमा कोइराला पक्षका केदार कार्की कोशीको मुख्यमन्त्री नियुक्त भएपछी केन्द्रदेखि अन्य प्रदेशमा सत्ता–सहकार्यका विभिन्न विकल्पमा संवाद गर्ने एमालेले प्रस्ताव गरेको कोइराला पक्षका एक नेताले बताएका छन्।

एमाले अध्यक्ष केपी शर्मा ओली र कांग्रेसका शेखर कोइरालाको रोहबरमा भएको सहमतिमा प्रदेशदेखि राष्ट्रिय सरकार निर्माणमा समेत मिलेर अघि बढ्ने प्रतिबद्धता जनाइएको सांसद सञ्जय गौतमले जानकारी दिएका छन् । कोशीमा संस्थापन पक्षले हाम्रो धारणा नबुझेको तर एमालेले आफुहरुलाई साथ दिएको कारण एमालेलाई धोका दिन नसक्ने समेत बताएका छन्।

यो सरकारले देशको बिकाश नहुने भन्दै एमालेलाई साथमा लिएर सरकारको नेतृत्व कांग्रेसले गर्नुपर्ने पनि उनले बताएका छन्।