विराटनगर – कोशी प्रदेशका नवनियुक्त मुख्यमन्त्री केदार कार्कीले प्रदेश प्रमुख पर्शुराम खापुङसमक्ष पद तथा गोपनीयताको शपथ लिएका छन्।

एमाले र कांग्रेसको शेखर कोइराला पक्षका सांसदहरुको समर्थनमा कोशीको मुख्यमन्त्री नियुक्त भएका कार्कीलाई एमालेका ३९ र कांग्रेस संस्थापनइतरका ८ जनाले समर्थन जनाएका थिए।

मुख्यमन्त्रीको सपथ लिए लगत्तै आफ्नो दल कांग्रेसका शमशेर राई र एमालेका राम रानालाई समेटेर उनले ३ सदस्यीय मन्त्रिपरिषद विस्तार गरेका छन् । राई र रानाले पनि आइतबार नै शपथ लिएका छन्, यधपी उनीहरुको मन्त्रालय भने तोकिएको छैन ।

केन्द्रीय गठबन्धनले माओवादीका इन्द्रबहादुर आङ्बोलाई मुख्यमन्त्री बनाउने निर्णय लिएको भएपनी कांग्रेसको संस्थापनइतर पक्षधर कार्कीले विद्रोह गरेर आफू पक्षकासहित एमालेका सांसदको समर्थनमा बहुमत पुर्‍याएर मुख्यमन्त्रीमा दाबी गरेका थिए।