सुन तस्करी प्रकरणमा पक्राउ परेका चिनियाँ नागरिकसँग नेपाली नागरिकता

  • नेपाल राष्ट्रिय दैनिक
  • २ भाद्र २०८०, शनिबार ०६:३६
nepali citizenship certificate

काठमाडौँ- सुन तस्करी प्रकरणमा पक्राउ परेका चिनियाँ नागरिकको अनुसन्धान गर्ने क्रममा उनिहरुसंग नेपाली नागरिकता भएको फेला परेको छ।चिनियाँ पासपोर्ट बोकेका चिनियाँ नागरिकका नाममा काभ्रे जिल्ला प्रशासनबाट नेपाली नागरिकता जारी भएको देखिएको छ।

६० किलो सुन प्रकरणमा प्रहरीको केन्द्रीय अनुसन्धान ब्युरोको टोलीले ७ जना चिनियाँ, भारतीय र नेपाली गरी २३ जनालाई पक्राउ गरेर अनुसन्धान गरिरहेको छ।अनुसन्धानको क्रममा पक्राउ परेका केही चिनियाँ नागरिकसँग नेपाली नागरिकतासँगै केही नेपाली सरकारी कागजात पनि फेला परेको छ र उनीहरुले लिएको नेपाली नागरिकता काभ्रे जिल्लाबाट जारी भएको पाइएको छ।

यता, काभ्रे जिल्ला प्रशासनले भने विगतमा राजनीतिक संरक्षणमा झुटा विवरण पेस गरी नागरिकता लिएको हुनसक्ने आशंका व्यक्त गर्दै श्रावण महिनामा मात्रै झुटा विवरण पेस गरी नागरिकता बनाएका १६ जनाको नागरिकता रद्द गर्नका लागि प्रहरी कार्यालयमा निवेदन दिएको र शंकास्पद विवरण भएका नागरिकता फेला पर्न थालेपछि नयाँ नागरिकता र प्रतिलिपिमा कडाइ गरेको जनाएको छ।

काभ्रेका प्रजिअ पुण्यविक्रम पौडेलका अनुसार यही साउन महिनामा मात्रै झुटा विवरण पेस गरी नागरिकता बनाएका १६ जनाको नागरिकता रद्द गर्नका लागि प्रहरी कार्यालयमा निवेदन पठाइएको छ। पौडेल भन्छन्, ‘एकपछि अर्काे शंकास्पद विवरण भएका नागरिकता फेला पर्न थालेपछि नयाँ र प्रतिलिपिमा कडाइ गरेका छौं’। ’

पक्राउ परेका चिनियाँ नागरिक निमा भनिने दावा छिरिङले २०७४ पुस २० गते नमोबुद्ध ११ को स्थायी ठेगाना राखेर नेपाली नागरिकता लिएको देखिएको छ। उनीसँगै सोही ठेगाना र बुवाआमाको नाम पनि उस्तै राखेर अर्का चिनियाँ नागरिकले पासाङ लामाको नाममा नागरिकता लिएको देखिन्छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५