तस्करबाट बरामद १ क्विन्टल सुन ६१ केजीमा कसरी झर्‍यो ?

  • नेपाल राष्ट्रिय दैनिक
  • ३१ श्रावण २०८०, बुधबार १९:११
kp

काठमाडौँ — एमाले अध्यक्ष केपी शर्मा ओलीले तस्करबाट बरामद भएको १ क्विन्टल सुन ६१ केजीमा कसरी झर्‍यो भनेर प्रश्न गर्दै, सुन गायब पार्न खोजेको आशंका व्यक्त गरेका छन् ।

एमालेको उद्योग, वाणिज्य तथा आपूर्ति विभागले आयोजना गरेको ‘वर्तमान आर्थिक अवस्था-समस्या र समाधान’ विषयक भेलालाई सम्बोधन गर्दै, सरकारले छानबिन आयोग नबनाउँदा एक सय केजी सुन ६१ केजीमा झरेको र सोहि मक्सदका साथ सरकारले उच्चस्तरीय छानबिन आयोग गठन नगरेको उनले बताएका छन्।

‘प्रधानमन्त्रीसँग यो विषयमा कुरा गर्दा ३५ दिन पर्खिनुहोस् भन्नुहुन्थ्यो । त्यतिञ्जेलसम्म सुन कति केजीमा झर्ने हो ?,’ ओलीले भने ।

अध्यक्ष ओलीले अहिले एयरपोर्टबाट दैनिक सुन बगिरहेको दाबी गर्दै सुनमा लगानी गर्ने लगानीकर्ता को हो भन्ने कुराको खोजी गर्नुपर्ने पनि बताएका छन् । सुन तस्करी प्रकरणमा सरकारले उच्चस्तरीय छानबिन आयोग गठन नगरेकै कारण एमालेले संघीय संसदको दुवै सदन अवरोध गर्दै आएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५