काठमाडौं – धनुषाकी आरती साहको मृत्युको घटनामा दोषीलाई कारबाही गर्नुपर्ने मागसहित करिब दुई महिनादेखि माइतीघरमा अनशनमा बसेका साहका आफन्तहरुको माग सम्बोधन गर्न राष्ट्रिय मानव अधिकार आयोगले सरकारलाई आग्रह गरेको छ ।
आयोगले एक विज्ञप्ति जारी गरी अनशनका कारण उनीहरुको स्वास्थ्यमा पर्न सक्ने जोखिमप्रति संवेदनशील हुँदै उनीहरुको माग सम्बोधन गरेर अनसनरत व्यक्तिको मानव अधिकारको रक्षा गर्न आग्रह गरेको हो ।
आरती साहको मृत्युको घटनामा दोषीलाई कारबाही गर्नुपर्ने माग राखेर निरन्तर अनशनमा बसेका कारण अनशनरत व्यक्तिहरूको स्वास्थ्य र दैनिक खानपानमा समेत समस्या भएको अनुगमनको क्रममा पाइएको र माग सम्बोधनका लागि हालसम्म सरकारका निकायबाट कुनै पनि पहल नभएको पीडितहरूको गुनासो रहेकोे पनि आयोगले जनाएको छ।
आफ्नो प्रतिक्रिया दिनुहोस्