गौर हत्याकाण्ड पीडित संघर्ष समिति र गृह मन्त्रालयबीच भएको ५ बुँदे सहमतिको बेवास्ता

काठमाडौँ- प्रधानमन्त्री निवास बालुवाटारमा बसेको सत्तारुढ दलको बैठकले गौर हत्याकाण्डमा थप छानबिन आवश्यक नरहेको निष्कर्ष निकालेको छ।

प्रधानमन्त्री पुष्पकमल दाहाल, कांग्रेस सभापति शेरबहादुर देउवा, नेकपा एसका अध्यक्ष माधवकुमार नेपाल, जसपा अध्यक्ष उपेन्द्र यादवलगायतको सहभागिता रहेको बैठकले गौर हत्याकाण्डमा मारिएका व्यक्तिका परिवारले क्षतिपूर्ति पाइसकेको र मारिनेहरू सहिद घोषणा भइसकेकाले सो मुद्दामा थप केही बाँकी नरहेको निष्कर्ष निकालेको हो।

यता, केहि दिन अघिमात्र गौर हत्याकाण्डको विषयमा, ‘तत् समयमा दर्ता भएका जाहेरीसमेतलाई छानबिन गरी तथ्य र प्रमाणका आधारमा दोषीलाई कानुनबमोजिम कारबाही प्रक्रिया अघि बढाइने’ भनि गौर हत्याकाण्ड पीडित संघर्ष समिति र गृह मन्त्रालयबीच ५ बुँदे सहमति भएको थियो। तर सत्तारुढ दलको बैठकले सो घटनामा थप केहि आवश्यक नरहेको निष्कर्ष निकालेको छ।

गृह मन्त्रालय र गौर हत्याकाण्ड पीडित संघर्ष समितिबिच भएको सम्झौता पछि शसंकित बनेको जसपाले सो विषयमा अनुसन्धानको प्रक्रिया अगाडी बढेमा सरकार छाड्ने चेतावनी समेत देखिएको थियो। यिनै घटनाक्रमहरुकोबीच बालुवाटारमा बसेको सतारुढ दलको बैठकले घटनास्थलमा नै नरहेका उपेन्द्र यादवलाई अनुसन्धानको दायरामा तानुको औचित्यन भएको बैठकले निर्णय गरेको छ।