श्रावण २५,काठमाडौँ- संखुवासभास्थित कारागारमा कैद जीवन भुक्तान गरिरहेका नुवाकोट ककनी गाउँपालिका– ७ का आकाश बलामी र संखुवासभा मादी नगरपालिका– ५ का विनोद तोलांगी दुवै कारागार भित्रै मृत अवस्थामा फेला परेको घटनालाई लिएर गृह मन्त्रालयले छानबिन समिति गठन गरेको छ  ।

घटनाबारे थप अनुसन्धान गर्न गृह मन्त्रालयले कारागार व्यवस्थापन विभागका निर्देशक कमलप्रसाद पाण्डेको संयोजकत्वमा पाँच सदस्यीय छानबिन समिति गठन गरेको छ । समितिमा नेपाल प्रहरी, राष्ट्रिय अनुसन्धान विभाग र जिल्ला प्रशासन कार्यालय संखुवासभाका प्रतिनिधि रहेका छन् ।

कुटपिटका कारण मृत्यु भएको प्रारम्भिक अनुसन्धानमा देखिए पनि घटनामा संलग्न अभियुक्तबारे अहिलेसम्म कुनै तथ्य प्रमाण फेला पर्न सकेको छैन। घटनामा संलग्न रहेको आशंकामा प्रहरीले सात कैदीबन्दीलाई हिरासतमा लिएर अनुसन्धान गरिरहेको छ ।