यो संसद रहँदासम्म देशको विकास हुँदैन

श्रावण ४, काठमाडौँ- राष्ट्रियसभाका सांसद वामदेव गौतमले नेपाली सेनाको होइन सांसदको संख्या घटाउनुपर्ने बताएका छन्। सेनाको संख्या घटाउने प्रस्तावप्रति आपत्ति जनाउँदै उनले, “यो संसद रहँदासम्म देशको विकास हुँदैन, सेनाको संख्या घटाउँदा श्राप लाग्छ” भन्ने अभिव्यक्ति दिएका छन्।

सेनाको संख्या घटाएर त्यसको बजेट देशको विकासमा लगाउने कुराको खण्डन गर्दै उनले प्रतिनिधिसभाको संख्या घटाउन र प्रदेश सभा हटाउन उपयुक्त हुने बताएका छन् ।सांसद गौतमले हालको प्रतिनिधिसभाले राष्ट्रको कार्यकारी चुन्ने प्रणाली रहँदासम्म मुलुकको विकास पनि हुन नसक्ने बताएका छन्।

पूर्वउपप्रधानमन्त्री समेत रहेका गौतमले, राष्ट्र र जनतालाई स्वतन्त्रतापूर्वक बाँच्न पाउने अधिकार दिलाएको नेपाली सेनाको संख्यालाई घटाउने कुरा उसको अपमान बाहेक केही हुन नसक्ने भन्दै थप २ लाख सेना थप गर्नुपर्ने प्रस्ताव समेत गरेका छन् ।