प्रधानमन्त्रीलाई एमालेको प्रश्न: तपाईँले तिरंगा झन्डा उचाल्ने हो कि चन्द्र सूर्य उचाल्ने हो?

  • नेपाल राष्ट्रिय दैनिक
  • २५ असार २०८०, सोमबार १६:३०
gokul baskota

असार २५,काठमाडौँ- प्रधानमन्त्रीले आफ्नो अभिव्यक्तिका विषयमा आत्मालोचना गर्ने सहमतिपछि संसदको अवरोध खुलाएको प्रमुख प्रतिपक्ष दल नेकपा एमालेका सांसद गोकुल बास्कोटले प्रधानमन्त्रीको स्पष्टिकरण सम्बोधनमा प्रधानमन्त्रीज्यु, तपाईँले तिरंगा झन्डा उचाल्ने हो कि चन्द्र सूर्य उचाल्ने हो? भनेर प्रश्न गरेका छन्।

आज सुचारु भएको संसद बैठकमा विवादित अभिव्यक्तिबारे स्पष्टीकरण दिँदै गर्दा बास्कोटले,एमाले कांग्रेस रहे पनि नरहे पनि यो देश र यो देशको सार्वभौमसत्ता रहनुपर्ने भन्दै द्वन्दकालमा विभिन्न ४० बुँदे माग राखेर आन्दोलन गरे पनि अहिले त्यही ट्रक चढेको र भारतलाई कठपुतली भनेर आरोप लगाए पनि अहिले कम्फर्टेवल भएको बताएका छन् ।

एमाले सांसद गोकुल बास्कोटले संसदमा बैठकमा बोल्दै , सत्तास्वार्थका निम्ति देशको सार्वभौमसत्ता साट्न नसकिने समेत बताएका छन्। आफूमाथि गम्भीर प्रश्न उठेपछि सदनलाई विश्वास लिनुपर्नेमा प्रधानमन्त्रीले कोसी प्रदेश सरकारमा राजनीतिक ‘कु’ गरेकाे समेत उनले बताएका छन्।

‘एक माघले जाडो जाँदैन, राजनीतिमा एकले अर्कालाई वाच गरिरहेको हुन्छ भन्ने कुरा स्मरण गराउंदै, सक्नुहुन्छ भने देशका लागि उभिने आँट गर्नुस् नभए पद छोडिदिनुस्। सत्तास्वार्थको निम्ति देशको सार्वभौमसत्ता साटिँदैन भनेर उनले प्रधानमन्त्रीले स्पष्ट जवाफ नदिए राजिनामा दिनुपर्ने समेत बताएका छन्।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५