बुल्गेरियाले ७० रुसी कूटनीतिज्ञलाई देश निकाला गर्ने

बुल्गेरियाले ७० रूसी कूटनीतिक कर्मचारीहरूलाई देश निकाला गर्ने भएको छ। बाल्कन राष्ट्रबाट एकै पटकमा यति धेरै संख्यामा कूटनीतिक कर्मचारीहरूलाई देश निकाला गर्न लागिएको यो नै पहिलो घटना हुनेछ।

हाम्रा कुटनीतिक नियोगहरुले उनीहरूलाई हाम्रो हित विरुद्ध काम गर्ने व्यक्तिको रूपमा पहिचान गरेकोले उनीहरुलाई देश निकाला गर्न लागिएको प्रधानमन्त्री किरिल पेटकोभले पत्रकार सम्मेलनमार्फत जानकारी दिएका छन्।

यता रुसले पनि अमेरिकी राष्ट्रपति बाइडेनकि श्रीमती जिल र छोरी याश्लीलाई रुस प्रवेशमा प्रतिबन्ध लगाएको छ।
यस भन्दा अघि रुसले अमेरिकी राष्ट्रपति बाइडेन, राज्य सचिव एन्टोनी ब्लिन्केन लगायत सयौं अमेरिकी कुटनीतिज्ञहरुलाई रुस प्रवेशमा प्रतिबन्ध लगाएको थियो।