पेरिस – मन्त्रिपरिषद गठनको एक दिनमै फ्रान्सका प्रधानमन्त्री सेबास्टियन लेकोर्नुले पदबाट राजीनामा दिएका छन्। उनले राजनीतिक दलहरूबीच सहकार्यको अभावका कारण सरकार सञ्चालन सम्भव नभएको बताएका छन् ।

राष्ट्रपति इम्यानुएल माक्रोंसँग करिब एक घण्टाको भेटपछि लेकोर्नुले पदत्याग घोषणा गरेका हुन्। उनले भने, “प्रधानमन्त्रीको रूपमा काम गर्न आवश्यक अवस्था पूरा भएन।”

लेकोर्नुको मन्त्रिपरिषद् अघिल्ला प्रधानमन्त्री फ्राँस्वा बेय्रूको जस्तै भएकाले संसदमा सबै दलले कडा आपत्ति जनाएका थिए र सरकारलाई अस्वीकार गर्ने चेतावनी दिएका थिए। केवल २६ दिनअघि नियुक्त भएका लेकोर्नु पछिल्ला दुई वर्षमा फ्रान्सका पाँचौँ प्रधानमन्त्री बनेका थिए। लगातारको राजनीतिक अस्थिरताले माक्रोंको सरकार संकटमा परेको छ।

उनको राजीनामापछि पेरिसको सेयर बजारमा तीव्र गिरावट समेत आएको छ।