काठमाडौँ — साताको कारोबारको अन्तिम दिन बिहीबार सेयर बजार परिसूचक नेप्से १२.९५ अंकले घटेर २ हजार ६५२ अंकमा झरेको छ।
बजारमा कारोबार सुरु भएको दुई मिनेटसम्म बढ्ने संकेत देखिए पनि त्यसपछि दिनभर नेप्से घटेको थियो। बजार घटेसँगै कारोबार रकममा पनि कमी आएको छ।
बुधबार ७ अर्ब ४३ करोड ९३ लाख रुपैयाँको कारोबार भएकोमा बिहीबार कारोबार रकम घटेर ४ अर्ब ७२ करोड २२ लाख रुपैयाँमा सीमित भएको छ।
बिहीबार ३४९ कम्पनीको सेयर कारोबार भएको थियो। जसमध्ये २११ कम्पनीको सेयर मूल्य घटेको छ भने ५६ कम्पनीको बढेको र १२ कम्पनीको मूल्य स्थिर रहेको छ। लघुवित्त उपसमूहबाहेक अन्य सबै उपसमूह घटेका छन्। उत्पादन तथा प्रशोधन समूहमा सबैभन्दा बढी गिरावट देखिएको छ।