क्रिकेटर सन्दीप लामिछाने विरुद्धको मुद्दामा आजदेखि नियमित सुनुवाइ

  • नेपाल राष्ट्रिय दैनिक
  • ३२ श्रावण २०८०, बिहीबार १०:३८
sandeep lamichhane rape accused

काठमाडौँ- नाबालिकलाई बलात्कार आरोपमा मुद्दा खेपिरहेका क्रिकेटर सन्दीप लामिछानेविरुद्धको मुद्दामा आजदेखि नियमित सुनुवाइ हुने भएको छ।

काठमाडौं जिल्ला अदालतमा न्यायाधीश राजुकुमार खतिवडाको एकल इजलासमा लामिछानेको मुद्दाको पेशी तोकिएको छ। विश्वकप छनोटका लागि जिम्बाबे गएपछि पछिल्लो पटक उनको मुद्दामा सुनुवाइ हुन सकेको थिएन।

यसअघि जिल्ला अदालत काठमाडौंले लामिछानेलाई पुर्पक्षका लागि कारागार पठाउने निर्णय गरेको थियो। तर बाहिरबाट मुद्दा लड्न पाउने माग गर्दै लामिछानेले जिल्ला अदालतको फैसलाविरुद्ध उच्च अदालत पाटनमा दायर गरेको रिटको सुनुवाई गर्दै उच्च अदालत पाटनले उनलाई २० लाख धरौटीमा छाड्न आदेश दिएको थियो। तर धरौटी रकम धेरै लिएको र विदेश जान रोक लगाएको भन्दै लामिछाने सर्वोच्च अदालत पुगेका थिए र सर्वोच्चले लामिछानेलाई क्रिकेट खेल्न विदेश जान अनुमति दिएको थियो।

बयानका क्रममा सन्दीपले अदालतमा पेश गरेको कागजात शंकास्पद

यता, जिल्ला अदालत काठमाडौंमा बयानका क्रममा सन्दीपले अदालतमा पेश गरेको पीडित किशोरीको जन्मदर्ता रहेको वडाको अभिलेख, बसाइसराइ कागजात, कक्षा ८ को भर्ना किताब र अस्पतालको दर्ता किताबको फोटोकपी शंकास्पद देखिएको छ। सन्दीपले किशोरीको उमेर १८ वर्ष पुगिसकेको दाबी गर्दै अदालतमा पेश गरेको जन्म सम्बन्धी कागजात अदालतको दर्ता पुस्तकसंग मेल नखाएको अदालत स्रोतले बताएको छ। दर्ता किताबको विवरण भिडाउदा पीडितको आमाको नाम मात्र मिलेको तर थर लगायत अन्य कुनै पनि विवरण मेल नखाएको बताइएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५