सुन तस्करी घटनामा सीआईबीलाई अनुसन्धान गर्न नदिने प्रधानमन्त्रीको जवाफपछि बैठक छाडेर हिँडे गृहमन्त्री

  • नेपाल राष्ट्रिय दैनिक
  • १९ श्रावण २०८०, शुक्रबार ०५:४७
narayan kaji shrestha

यतिबेला नेपालको राजनीतिमा सुन तस्करी प्रकरणले राम्रै खैलाबैला मच्चाएको छ। सुन तस्करीमा सरकार पक्षकै संलग्नता छ भनेर प्रतिपक्षले सरकारको चर्को आलोचना गरिरहेको बेला अन्य सरोकालवालाहरुले भने घटनामा संलग्न उच्च घरानाका व्यापारी र उच्च ओहोदाका सरकारी पदाधिकारीलाई जोगाउने प्रपंचामा सरकार लागेको बताउँदै आएका छन्।

प्रधानमन्त्री कार्यालय सिंहदरबारमा प्रधानमन्त्री पुष्पकमल दाहाल, उपप्रधान एवं रक्षामन्त्री पूर्णबहादुर खड्का, उपप्रधान एवं गृहमन्त्री नारायणकाजी श्रेष्ठ, प्रहरी प्रमुख वसन्त कुँवर, राजस्व अनुसन्धान विभागका प्रमुख नवराज ढुंगाना र सिआईबी प्रमुख किरण बज्राचार्यबीच बिहीबार छलफल भएको बताइएको छ ।

सुन तस्करी प्रकरणमा छलफलका लागि गृहमन्त्री श्रेष्ठले आईजीपी वसन्त कुँवर र सिआईबी प्रमुख किरण बज्राचार्यलाई समेत प्रधानमन्त्री कार्यालय डाकेर अनुसन्धानको जिम्मा सिआईबीलाई दिनुपर्ने बताएका थिए। तर गृहमन्त्री श्रेष्ठको प्रस्ताव प्रधानमन्त्रीले अस्वीकार गर्दै सुन तस्करी प्रकरणको अनुसन्धान राजस्व अनुसन्धान विभागले गरिरहेको र त्यसैलाई निरन्तरता दिने बरु आवश्यक परेमा प्रहरीको सहयोग लिन सक्ने भनि जवाफ दिएपछि गृहमन्त्री नारायणकाजि श्रेष्ठ र प्रधानमन्त्री दाहाल बीच केहीबेर भनाभन समेत भएको बताइएको छ। केहीबेरको भनाभनपछि प्रधानमन्त्रिको निर्णयप्रति सन्तुष्टि जनाउँदै गृहमन्त्री श्रेष्ठ बैठकबाट बाहिरिएको श्रोतले जनाएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५