२०७८को जनगणनामा त्रुटि : बढ्यो नेपालको जनसंख्या

  • नेपाल राष्ट्रिय दैनिक
  • २७ असार २०८०, बुधबार १५:४५
nepal population

२७ असार, काठमाडौं – राष्ट्रिय जनगणना २०७८ को जनगणनामा त्रुटी भएको पुष्टि भएको छ।

राष्ट्रिय जनगणना २०७८ को जनगणना गर्दा ७ लाख ७१ हजार ९९८ जना व्यक्तिको गणना छुटेको राष्ट्रिय तथ्यांक कार्यालयका निर्देशक ढुण्डीराज लामिछानेले बताएका छन् । राष्ट्रिय तथ्यांक कार्यालयले यसअघि सार्वजनिक गरेको जनगणनाको नतिजा अनुसार नेपालको जनसंख्या २ करोड ९१ लाख ६४ हजार ५७८ जना रहेको थियो । त्रुटी सच्च्याइएपछि थपिएका ७ लाख ७१ हजार ९९८ जना व्यक्तिसहित हाल नेपालको कुल जनसंख्या २ करोड ९९ लाख ३६ हजार ५७६ पुगेको छ ।

राष्ट्रिय तथ्यांक कार्यालयले जनगणनाको प्रभावकारिता जाँच गर्न गणना जाँच सर्वेक्षण गर्ने गरेको र सो सर्वेक्षणमा २०७८ को जनगणनाको प्रारम्भिक तथ्याङ्कमा त्रुटी भएको पुष्टि भएको तथ्यांक कार्यालयका निर्देशक लामिछानेले बताएका छन्। यधपी,पालको जनसंख्याको आधिकारिक तथ्यांकहरुमा भने यसअघि सार्वजनिक भएको २ करोड ९१ लाख ६४ हजार ५७८ नै प्रयोग हुनेपनि उनले बताएका छन्।

सर्वेक्षणको नतिजा अनुसार जनगणनामा छुट्नेहरुमा बढी शहरी क्षेत्रको मानिसहरु रहेको पाइएको छ। सर्वेक्षण अनुसार छुटेका ७ लाख ७१ हजार ९९८ जनामध्ये ५ लाख ८५ हजार ७८२ शहरी क्षेत्रका मानिसहरु रहेका छन् भने ग्रामिण क्षेत्रका १ लाख ८६ हजार २१६ जना व्यक्ति जनगणनामा छुटेका थिए । क्षेत्रगत हिसाबको वर्गीकरण अनुसार जनगणनामा छुट्नेहरुमा सबैभन्दा धेरै काठमाडौंमा ४.४२ प्रतिशत र लुम्बिनी प्रदेशमा २.९९ प्रतिशत व्यक्ति जनगणनामा छुटेका थिए।

यसअघि तथ्याङ्क कार्यालय आँफैले गर्दै आएको जाँच सर्वेक्षण, यो पटक सैद्धान्तिक अवधारणा र संयुक्त राष्ट्रसंघको सुझाव अनुसार त्रिभुवन विश्वविद्यालयले गरेको थियो।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५