काठमाडौं – नेकपा (एमाले)का अध्यक्ष केपी शर्मा ओलीसँग चिनियाँ कम्युनिष्ट पार्टीका अन्तर्राष्ट्रिय विभागका उपमन्त्री सुन हाइयानले शिष्टाचार भेट गरेका छन् ।

एमाले अध्यक्ष ओली र चिनियाँ उपमन्त्री हाइयानबीच शनिबार एमाले पार्टी कार्यालय ललितपुरको चैसालमा भेटवार्ता भएको थियो । दुई नेताबीच भएको भेटवार्तामा नेपाल–चीन सम्बन्ध र एमाले र चिनियाँ कम्युनिष्ट पार्टीबीचको सम्बन्धका बारेमा छलफल भएको थियो ।

एमाले विदेश विभाग प्रमुख राजन भट्टराईका अनुसार भेटमा अध्यक्ष ओलीले विगतमा एमाले सरकार हुँदा चिनियाँ कम्युनिष्ट पार्टीसँग भएका सम्झौता कार्यान्वयन गर्न आग्रह गरेका थिए । उपमन्त्री सुन हेयानले पनि दुई देशबीचको उच्च राजनीतिक तहमा भएका सहमतिलाई कार्यान्वयन गर्ने प्रतिबद्धता व्यक्त गरे ।