निलम्बित प्रधानन्यायाधीश चोलेन्द्र शमशेर जबराको तेस्रो दिनको बयान सुरु भएको छ ।

प्रतिनिधिसभा, महाभियोग सिफारिस समितिले जबरासँग बयान लिइरहेको छ । यसअघि समितिले २०७९ भाद्र १५ र १६ गते जबरासँग बयान लिएको थियो, जहाँ उनले आफूमाथि लागेको आरोपमा आफू दोषी नभएको बयान दिएका थिए ।

जबरालाई प्रश्न सोध्न बाँकी रहेकाले आज समितिको बैठक पुनः बोलाइएको हो ।समितिले जबराको बयानका लागि ४३ वटा प्रश्न तयार गरेको भएपनि हालसम्म ६ वटा मात्र प्रश्न सोधिएको छ ।

महाभियोगबारे छानबिन गर्न ११ सदस्यीय समिति गठन गरिएको छ ।

सत्तारुढ दलका सांसदले जबराविरुद्ध २०७८ फागुन १ गते आफ्नो आधिकारिक जिम्मेवारी विपरित काम गरेर संविधान र कानुन उल्लंघन गरेको भन्दै जबरा विरुद्ध महाभियोग दर्ता गरेका थिए ।