काठमाडौं महानगरपालिकाको फोहोर व्यवस्थापनलाई सहज बनाउन सहजीकरण तथा अनुगमन समिति गठन गरिने भएको छ ।

सहरी विकासमन्त्री मेटमणि चौधरीको संयोजकत्वमा बसेको बैठकले समिति गठन गर्ने निर्णय गरेको हो ।काठमाडौं, नुवाकोट र धादिङका प्रतिनिधिसभा सदस्यहरु पनि रहने गरि समिति निर्माण गरिने बताइएको छ।

समिति गठनबारे जानकारी दिँदै नेपाली काँग्रेसका नेता गगन थापाले उपत्यकामा फोहोर उठ्न थालेको र समस्या दोहोरिन नदिन सबैको सहयोग आवश्यक रहेको बताउनुभएको छ ।महानगरपालिकाले फोहोर व्यवस्थापनका लागि गर्नुपर्ने काम निरन्तर गरिरहेको र सहमति अनुसारको काम समयमै सम्पन्न गर्न सरकार र सम्बन्धित निकायसँग समान तहमा समन्वय र सहजीकरण गर्ने पनि उहाँले बताउनुभएको छ ।