बाजुरा: बुढीगंगाका नगरपालिकाको ४ वटा वडामा एमाले विजयी भएको छ भने नगरपालिकाको प्रमुख र उपप्रमुख पदमा पनि एमालेको अग्रता देखिएको छ।

वडा नम्बर २ मा कांग्रेसका नरबहादुर थापालाई पराजित गर्दै नेकपा एमालेका पदम बहादुर भण्डारी ८३८ मतसहित विजयी भएका छन्।उनका प्रतिस्पर्धी थापाले भने २३५ मत प्राप्त गरेका थिए।त्यसैगरी, वडा नम्बर ९ मा पनि निकटतम प्रतिस्पर्धी नेकपा एकीकृत समाजवादीका भरतबहादुर थापालाई पराजित गर्दै नेकपा एमालेका मीनबहादुर सिंह ४ सय ९२ मतसहित विजयी भएका छन्। उनका प्रतिस्पर्धीले भने २९३ मत प्राप्त गरेका छन्।

यसघि नै सार्वजनिक मत परिणाम अनुसार वडा नम्बर १ र १० मा पनि नेकपा एमालेकै उम्मेदवार विजयी भएका छन्।

नगर प्रमुख तर्फा भने ३९६२ मत गणना हुँदा एमालेका रामबहादुर बानियाँ २४३३ मत सहित अगाडि रहेका छन् भने उनका प्रतिस्पर्धी कांग्रेसका रंगबहादुर खातीले १२९१ मत प्राप्त गरेका छन्। त्यसैगरी, नगरको उपप्रमुखतर्फ एमालेकी उम्मेदवार २४१७ मत सहित अगाडी रहेकी छन्। उनको प्रतिस्पर्धी कांग्रेसकी रीता शाहीले भने १३१२ मत प्राप्त गरिकी छन्।