बर्दियाको मधुवन नगरपालिका क्षेत्रमा निरन्तर बाघको आक्रमण बढेपछि वन्यजन्तु पीडितप्रति सरकार उदासिन भएको भन्दै प्रदर्शनमा उत्रिएका प्रदर्शनकारी र प्रहरीबीच झडप हुँदा एक महिलाको मृत्यु भएको छ ।

निरन्तर बाघको आक्रमण बढेपछि मधुवन—२ चमेली गौडी सामुदायिक वनका अध्यक्ष कालीराम थारुको नेतृत्वमा गुलरिया–राजापुर सडक खण्डमा चक्काजाम गरिएको थियो। सोहि क्रममा प्रदर्शनकारी र प्रहरीबीच झडप हुँदा एक महिलाको मृत्यु भएको हो भने अन्य केहि व्यक्ति र प्रहरी पनि घाइते भएका छन् ।

घटनास्थलमा प्रहरीले दर्जनौं सेल अश्रुग्यास प्रहार गरेको स्थानीयले बताएका छन् । आज बिहानैदेखि मधुवनको ओराली बजारमा प्रदर्शन भएको छ ।