जेठ १ देखि लागु गरिएको शनिबार र आइतबार सार्वजनिक विदा दिने मन्त्रिपरिषदको वैशाख २६ गतेको निर्णय खारेजीको माग गर्दै सर्वोच्चमा रिट दायर गरिएको छ।

आवश्यक कुनै पनि विचार विमर्श नै नगरी मन्त्रिपरिषदले हप्तामा दुई दिन सार्वजनिक विदा दिने भनि गरेको निर्णय बदर गर्न माग गर्दै अधिवक्ता रामबहादुर शाही, तेजबहादुर लोहिया, सन्तोष भण्डारी र त्रिलोकबहादुर चन्दले सर्वोच्चमा रिट दायर गरेका हुन् ।
नेपाल सरकार,प्रधानमन्त्री तथा मन्त्रिपरिषदको कार्यालय,गृह मन्त्रालय र कानुन,न्याय तथा संसदीय मामिला मन्त्रालयलाई विपक्षी बनाई दायर गरिएको रिटमा वैशाख २६ को सरकारको निर्णय खारेज गर्न माग गरिएको छ।