काठमाडौं – चाडबाडको समयमा हवाई टिकटको माग अत्यधिक हुने र महँगोमा बिक्री गर्न सकिने सम्भावनालाई ध्यानमा राख्दै नेपाल नागरिक उड्डयन प्राधिकरण (क्यान) ले आन्तरिक उडानका हवाई भाडादर सार्वजनिक गरेको छ।

प्राधिकरणले सरकारले स्वीकृत गरेको भाडादरभन्दा बढी रकम यात्रुबाट असुल गर्न नपाइने चेतावनी दिएको छ। नियम उल्लंघन गर्ने वायुसेवा कम्पनी तथा सरोकारवालामाथि कडा कारबाही हुने पनि प्राधिकरणले जनाएको छ।

प्राधिकरणले सार्वजनिक गरेको सूचीअनुसार सबैभन्दा बढी भाडा काठमाडौं–धनगढीमा १७ हजार ५७९ रुपैयाँ तोकिएको छ भने सबैभन्दा कम भाडा काठमाडौं–सिमरामा ३ हजार ९७८ रुपैयाँ छ।

प्राधिकरणले तोकेको आन्तरिक हवाई भाडादर सूची यसप्रकार छः

काठमाडौं–विराटनगर : ९ हजार ७८५ रुपैयाँ
काठमाडौं–भरतपुर : ४ हजार ६४३ रुपैयाँ
काठमाडौं–भद्रपुर : १२ हजार ११२ रुपैयाँ
काठमाडौं–जनकपुर : ५ हजार ४७० रुपैयाँ
काठमाडौं–पोखरा : ६ हजार ६३५ रुपैयाँ
काठमाडौं–नेपालगन्ज : १३ हजार १०३ रुपैयाँ
काठमाडौं–धनगढी : १७ हजार ५७९ रुपैयाँ
काठमाडौं–सिमरा : ३ हजार ९७८ रुपैयाँ
काठमाडौं–भैरहवा : ८ हजार ४६१ रुपैयाँ
काठमाडौं–राजविराज : ८ हजार २१० रुपैयाँ
काठमाडौं–सुर्खेत : ९ हजार ३० रुपैयाँ
काठमाडौं–तुम्लिङटार : ७ हजार ६३० रुपैयाँ