काठमाडौँ — आगामी फागुन २१ गते हुने प्रतिनिधिसभा निर्वाचनका लागि निर्वाचन आयोगले दल दर्ता गर्न आह्वान गरेको छ।

आयोगका अनुसार नयाँ दल दर्तामा कानुनी अड्चन नभएको तर समय सीमित भएकाले चाँडै दल दर्ता गर्न आग्रह गरेको छ । हाल आयोगमा १२२ दल दर्ता छन्। आयोगले चाँडै सूचना जारी गरी कुन दलले चुनावमा भाग लिने हो भन्ने स्पष्ट गर्नेछ। सूचीबद्ध दलहरूले मात्र पुनः दर्ता गर्न पाउनेछन्।

कार्यवाहक प्रमुख आयुक्त रामप्रसाद भण्डारीले नयाँ दल दर्ता गर्न चाहने समूहले निवेदन दिन, राजनीतिक दलसम्बन्धी ऐनअनुसार विधान, घोषणापत्र, झन्डा, चुनाव चिन्ह, ५ सय मतदाताको हस्ताक्षर र २१ सदस्यीय केन्द्रीय समिति आवश्यक पर्नेछ।