काठमाडौँ- प्रधानमन्त्री सुशीला कार्कीले राष्ट्रको नाममा पहिलो सम्बोधन गर्दै जेन जी पुस्ताले माग गरे अनुसार संविधान संशोधन र शासकीय स्वरुप फेर्ने अधिकार अन्तरिम सरकारलाई नभएको बताउनु भएको छ। त्यसका लागी आगामी निर्वाचनमा सहभागी भइ संवैधानिक प्रक्रियाबाटै संविधान संशोधन गर्नका लागि कार्कीले जेन जी पुस्तालाई आग्रह समेत गर्नु भएको छ।

कार्कीले गत भदौ २३ र २४ गते भएको जेनजी आन्दोलनमा दोषी देखिएकालाई कारबाही गर्ने सरकारको प्रतिबद्धता रहेको बताउनुभयो। कार्कीले रोजगारी तथा अन्य सिलसिलामा विदेश रहेका नागरिकलाई समेत मतदान गर्नसक्ने सम्भावनाको बारेमा सरकारले निर्वाचन आयोगसँग छलफल गरिरहेको पनि बताउनु भएको छ।

सम्बोधनको क्रममा २१ फागुनभित्र निर्वाचन हुने भन्दै सबै राजनीतिक दललाई निर्वाचनमा भाग लिन आग्रह समेत गर्नुभएको छ ।

भ्रष्टाचारको अन्त्य, सुशासन अनि विकास अपेक्षा गरी भएको आन्दोलनको अभिव्यक्ति अनुसार सरकारले काम गर्ने र सार्वजनिक सम्पत्ति र निजी सम्पत्तिमा भएको अपूरणीय क्षतिप्रति सरकारले ध्यान दिएर पुनर्निर्माण सुरु गर्ने कार्कीले बताउनुभयो।

यस्तो छ सम्बोधनको पूर्णपाठ :