काठमाडौं — ऊर्जा, जलस्रोत तथा सिँचाइ, भौतिक पूर्वाधार तथा यातायात तथा शहरी विकास मन्त्री कुलमान घिसिङले नेपालका लागि अमेरिकी राजदूत डीन आर. थम्पसनसँग सिंहदरबारमा भेटवार्ता गरेका छन्।

भेटवार्ताको क्रममा राजदूत थम्पसनले घिसिङलाई उनको नियुक्तिमा बधाई दिंदै सफल कार्यकालको लागि शुभकामना व्यक्त गरेका छन्।

नेपाल-अमेरिका सहयोग, संयुक्त राज्य अमेरिकाद्वारा समर्थित परियोजनाहरूको प्रगति र जेन जी आन्दोलनको समयमा क्षतिग्रस्त सार्वजनिक पूर्वाधारको पुनर्निर्माणमा केन्द्रित रहेर दुईजनाबीच छलफल भएको बताइएको छ।

मन्त्री घिसिङले क्षतिग्रस्त पूर्वाधारको पुनर्निर्माण, आगामी निर्वाचन र सुशासन सुनिश्चित गर्नु सरकारको प्रमुख प्राथमिकता रहेको बताएका छन् भने राजदूत थम्पसनले नेपाललाई अमेरिकाको सहयोग जारी रहने उल्लेख गरेका छन् ।