काठमाडौं – ‘जेन-जी’ आन्दोलनका क्रममा कारागार तोडफोड र दंगापछि भागेका ७ हजार ६२७ कैदी अझै फरार रहेका छन्।

भदौ २४ गते देशभर भएका हिंसात्मक प्रदर्शनका क्रममा २८ वटा कारागार र ९ वटा सुधारगृहबाट कुल १४ हजार ५५६ कैदी र थुनुवा भागेका थिए। तीमध्ये १३ हजार ५९२ जना कारागारबाट र ९६४ जना सुधारगृहबाट भागेका थिए।

असोज ५ गते साँझसम्म ६ हजार ९२८ जना पुनः कारागार फर्किएका छन्। विभागका अनुसार अझै सम्पर्कमा नआएका अधिकांश कैदी जघन्य र संगठित अपराधमा संलग्न रहेका छन्।

उक्त कारागार तोडफोडको क्रममा नेपाली सेनाले गोली चलाउँदा ५ कैदीको ज्यान गएको थियो।