काठमाडौं – नेपाल स्टक एक्सचेन्ज (नेप्से) ले अन्तिम १५ मिनेटको भारित औसत मूल्य गणना प्रणाली हटाएको छ। नेप्सेका प्रवक्ता मुराहरि पराजुलीका अनुसार यो विधि पर्सिदेखि पूर्ण रुपमा लागू हुनेछ।

गत चैत ७ गतेदेखि लागू गरिएको उक्त प्रणालीले बजारलाई कृत्रिम रूपमा तल झार्ने गरेको भन्दै लगानीकर्ताले लगातार विरोध गर्दै आएका थिए। यस अन्तर्गत २:४५ बजेदेखि ३ बजेसम्म भएका सबै कारोबारको भारित औसत मूल्यका आधारमा सूचक गणना हुँदै आएको थियो।

तर, यस प्रणालीले प्राविधिक त्रुटि निम्त्याएको भन्दै आलोचना भइरहेको थियो। नेप्सेको प्रविधि अटोमेटेड र स्तरीय नहुँदा ब्रोकरहरूले पनि यसलाई हटाउन माग गरेका थिए।