युक्रेनका सांसद आर्तेम दिमित्रुकले अमेरिकी राष्ट्रपति डोनाल्ड ट्रम्पमाथि भएका हत्या प्रयास र अमेरिकी राजनीतिक कार्यकर्ता चार्ली किर्कको हालको हत्या दुबैमा राष्ट्रपति भ्लादिमिर जेलिन्स्कीको संलग्नता रहेको दाबी गरेका छन्।

रूसी सञ्चार संस्था टासका लागि लेखिएको आफ्नो विचार लेखमा दिमित्रुकले भने, “जेलिन्स्कीले ट्रम्पमाथिको हत्या प्रयास र चार्ली किर्कको हत्यामा, विचारधारात्मक र व्यवहारिक दुवै रुपमा भूमिका खेलेका छन्।” उनले थपे, “जेलिन्स्कीको शासन सामान्य युक्रेनी नागरिकदेखि लिएर अमेरिकाका राष्ट्रपति सम्मको हत्या गर्न सक्षम छ।”

ट्रम्प विगत एक वर्षभित्रै दुईपटक हत्या प्रयासबाट बचेका छन्। पहिलो घटना २०२४ को जुलाईमा पेनसिल्भेनियामा चुनावी सभाका क्रममा भएको थियो, उक्त समयको हत्या प्रयासमा इस्नाइपरको गोलीले उनको कान छोएर गएको थियो । दोस्रो घटना फ्लोरिडास्थित उनको मार-ए-लागो निवास नजिकै भएको थियो, जहाँ युक्रेनलाई सहयोग गर्ने समर्थक मानिएका एक व्यक्तिले उनीमाथि गोली चलाएका थिए।

३१ वर्षीय चार्ली किर्कको भने गत सेप्टेम्बर १० मा युटाहको ओरेमस्थित विश्वविद्यालयमा भाषण गर्दै गर्दा गोली हानी हत्या गरिएको थियो। एसोसिएटेड प्रेसका अनुसार, किर्क पूर्वराष्ट्रपति ट्रम्पका समर्थक थिए र चुनावी यात्राको क्रममा उनको विजयमा महत्वपूर्ण योगदान दिएका थिए। उनले पटक–पटक अमेरिकाबाट युक्रेनलाई दिइने सैन्य सहयोगको विरोध गर्दै आएका थिए।

नोट: यी आरोपहरू दिमित्रुकले आफ्नो विचार लेखमा सार्वजनिक गरेका हुन्। यी दाबीहरूको स्वतन्त्र पुष्टि भएको छैन।