काठमाडौँ- धादिङ्ग कारगारबाट फरार रहेका कैदिबन्दिहरुलाई नेपाली सेनाले घेरेर राखेपछि उनीहरु आक्रोशित बनेका छन्। कारागारभित्र रहेका साथीभाइ भड्किएकोले कारागारमा बस्न सक्ने स्थिति नभएको र बाहिर निस्किए सेनाले गोलि हान्न सक्ने भन्दै उनीहरु आक्रोशित भएका छन्।

रास्वपाका कार्यकर्ताले नक्खु कारागारबाट रवि लामिछानेलाई छुटाएको भन्दै आक्रोश पोखेका उनीहरुले आफुहरुलाई पनि रिहा हुन दिनुपर्ने माग गरेका छन्। लामो समय देखि अदालतको पेसी सरेको र समयमा फैसला नगरी कारागारमा राखेको भन्दै उनीहरुले रवि लामिछाने र के पी ओलीलाइ पनि जेलमा लेराएमा आफुहरु फर्केर आउने भिडियो सार्वजनिक गरेका छन्।

सामाजिक सञ्जालमा भाइरल बनेको नक्खु कारागार बाहिरको भिडियोमा रास्वापा समर्थक प्रदर्शनकारीलेहरुले लामिछानेलाई छोड्न सुरक्षामा खटिएका सुरक्षाकर्मीलाई चेतावनी दिएको देख्न सकिन्छ। सुरक्षामा खटिएका नक्खु कारागार प्रशासनले समेत सुरक्षा व्यवस्थालाई थेग्न नसकिने देखेपछि सुरक्षाको दृष्टिकोणले पनि उनलाई पत्नी निकिताको जिम्मा लगाएर पठाएको अभिव्यक्ति दिएको छ। रवि लामिछाने कारागारबाट बाहिर निस्किएसंगै देशभरका १७ कारागारबाट कैदीबन्दीहरु फरार भएका छन् ।

यधपी, पुर्व गृहमन्त्री समेत रहेका रवि लामिछानेले भने आफु गृहसचिव स्तरिय निर्णय बाट बाहिर निस्किएको भन्दै कारागारले दिएको पत्र समेत सार्वजनिक गरेका छन्। तर केहि व्यक्तिहरुले भने कारागारले दिएको पत्रमा चलानी नम्बर समेत नभएको र मितिमा समेत केरमेट गरि सच्याएको भन्दै उक्त पत्रको वैधानिकता सम्बन्धमा पनि प्रश्न गरेका छन्।